Optimism

Somewhere, somehow, in a time only known by Allah, I'll be what I always wanted to be.
And only then, I'll show the world the real meaning of being faithful to my thoughts and dreams, I'll appreciate every single moment of suffering, depression, success and happiness,And I'll thank Allah for it.
Good Morning inchaa' Allah

اليوم العالمي للغة العربية٢

قصيرةٌ هي الحياة
طويلةٌ هي المعاناة
فتريث قليلًا في المناجاة
فما فات لم يكن غير مناداة
و من عاش حي الضمير فقد نجا
ومن مات ضميرهُ ..فمصيرهُ ..مجرد حياة!

اليوم العالمي للغة العربية

عش كالأسود لا ترهبها صغائر الأمور.
وإعمل كالنمل دون تلكؤ.
وأظهر حبك للحياة كالطيور مُبسطةٌ جناحيها.
و مُت كالمحارب النبيل لا يخشى سوى خالقهُ.

إنت عارف تبقى مين؟!

إنت إيه انت مين انت كل يوم و حين
إنت صوت دايما ملالي فالدعاء بيقول أمين
إنت عيون مليانين بالدموع متغرقين
م اللي صابك واللي قتلك واللي نهبك من سنين
إنت صوت الحق عالي يفرح القلب الحزين
إنت قلوب الأمهات بالسواد متلفحين
ع الضنى ف إستاد منور فجأة أصبح عتمه طين
إنت فكره إنت بكره انت عرق الشقيانين
انت ابويا و انتِ امي و ولادي المتغربين
إنتِ بنوته جميله بالطرحه او بالضفيرة
حلمت تكون ف يوم سفيرة للنوايا الطيبين
انت اللي بتهزم أعادي اللي ف بلدي طمعانين
انت اللي بتحرت في ارضي من زمان الفراعين
وانت اللي بتبني و تصنع والايادي مشبكين
انت اللي هتنقذ بلادك من شباك الصيادين
انت إيد تعبت وشقيت إنت نبض المطحونين
انت واحد ضحى بدمه لجل كل الغلبانين
انت عارف انت مين ولا نسيت الوعد بين
اللي ماضي واللي حاضر واللي عشته من يومين!
انت صوتي و لون سكوتي وقلبي الأبيض الأمين
اللي هيفضل عمره يهتف مصر لكل المصريين.

كذب الإبل

برضه بتكذب وإحنا يوماتي ف خيبة
طيب قولي:حاسس بمصايبنا القريبة!
إزاي بتقدر تبصلي عينك في عيني
وبكل برود بتقلب الباطل حقيقة
إزاي عليك هقول "ده محترم"
وإنت بكذبك تعديت النيل والهرم
عمري اللي فات عرفتك شيخ جليل
بس الحقيقة ظهرتلي فجأة م العدم
يقولولي ليه بتدافعي عنه بالقوي
قولت أكيد بيخاف من ربه "القوي"
وإن كان غلط ف ربنا غفور رحيم
ذلة شيطان وهيرجع عالصراط يستوي
وبرضه ترجع تاني وتغلط بزيادة
و آخر المتمة تهرس كرامتي ببيادة
ومحاكمات و إعتقالات و حصارات
وبنيت حيطان بيني وبينك كالعادة
إن كنت فاكر صوتي جوه قلبي مات
وبرغم زوري اللي إتنبح م الهتافات
و برغم سدك الودان لكني مع كل أذان
بدعي يا تعقل يا تغور فورا من سكات

ماتنسوش

صباح الخير
ذكرى محمد محمود النهاردة
تخيلنا انه آخر يوم دامي فالبلد
جه بعده كتير و كتير و كل الشهدا راحوا عشان بشكل او بآخر إحنا نفوق و نعيش حياة آدمية بكرامة... أوعوا تنسوهم.. هم آدميتكم.. هم إنسانيتكم.. هم الماضي لمستقبلكم.. و انتوا الصوت لما يحبوا الدنيا سكوت... والسكوت علامة الرضا في جميع الأحوال .. هترضوا تضيعوها و تضيعوا حق اللي مات عشان تعيشوا!! طول ما حقهم ماجاش بكره الدور هييجي على كل واحد فينا
ماتنسوش..ماتنسوش.

You are Unique

Never ever underestimate yourself, why? Because you are original that there's no other copy of "YOU", whatever they do, they can't be "YOU".

إحنا مش هنتعلم بقى!!

إحساس غبيأزاي ما تفهم مطلبي!!

إحساس دنيئأزاي ما تفهم أي شئ!!

أزاي أكونلك الطريقوانت مصمم تمشي في بحور الغريق

انت كده فاكر خلاصأن نهايتي تكون خلاصمن كل شئأبدا .. غبي.

نهايتي دي بداية طريقهي اللي هتقول مين الجبان! مين الجرئ

و مين اللي قال عالحقيقة "كله كدب"و مين اللي بكره يتأسف على خسارة صديق

و مين اللي يرفع راسه بكل فخر ومين هيطاطي و تبقى راسه في الغميق

خليك غبيعمري ما هبقى في يوم جبانخليك غبي لكن هتندم بعد ما يفوت الأوانخليك غبي

و هفضل صابر عاللي جاي منك واللي كانو ابدًًا ما هنسى مين اللي خان ومين اللي كان مدي الأمانخليك غبي.

اتعظ بقى

ياكبير ليه تظلم وفيه كبير بعدك
ده ربك العادل قادر وهيقابلك
ان كنت فاكرها دايمه فكر شوية كمان
كان برضه ظالم قوي،دلوقتي في اللومان

Finish it

If you are depressed and you know it... Throw yourself out of the window

الفرج من عندك يا رب

كله تايه في الملكوت
لا عالنطق يقدر ولا مستحمل سكوت
متلجمين متكممين و عالغيلان صابرين
قادر يعدّلها واهب الحياة و الموت

#عن

عن البلد اللي ارتوت بالدم
عن الأم اللي شايلة الهم
عن ثورة عن بكره عن فكره
عن اللي مات عشان اهتم
عن فقرا ما لاقوا العيش
عن جندي في خدمة جيش
عن تاجر و فاجر و ناكر خير
عن حلمي اللي أتقتل بشويش
عن بنت جميلة بضفيره
عن ولد نفسه في فطيره
عن عجوز بعكاز و حصيره
عن أم و أب و أهل و جيره
عن كشك سجاير عالناصية
عن اولتراس ..فاكراهم مش ناسيه
عن لمة جوامع عن أطفال شوارع
عن حياه و عيشة بقت قاسيه
عن مهندس و دكتور و عميد
عن أم شهيد في ليلة عيد
عن نكد و كآبه و ضحكة و سعادة
عن كل اللي فات واللي جاي أكيد
عن مصر الجميلة الساحرة
عن ليل و نيل القاهرة
عن بلاد الأمان و الحنان والخير
عن كاتب و صحفي و شاعرة
عن كل ده و اكتر
عن بلد بالمال ما تتقدر
عن أم الدنيا وولادها
عن حضن ترابك المرمر

ولا يستاهل اصلا

لا يستحق العناء: من وجدك حزينًا ولم يحاول إسعادك،من وجدك محطمًا ولم يكن بجانبك، ومن كان في حياتك إستثناءًا ولم يقدّر يومًا آلامك

عيد الأضحى

العيد مش خروف هيتدبح عشان نأكل ... العيد في معناه الحقيقي هو خروف هيتدبح عشان انت تعيش..قدِّر حياتك حق تقديرها
كن كما تستحق أن تكون
لو شايف نفسك بني ادم تستاهل الحياة... أوعى تحصر نفسك في دور الخروف :)

فراغ

لا تخسر من هم بجانبك لتكسب من هم بالأساس أعدائك.. فحينها فقط لن يصبح لك عدو ولا صديق وستبقى وحيدًا ما حييت

و عجبي

بنضغط عالوجع لجل ما نتألم
يزيد الوجع بالآه،و الآهه تتكمم
نصرخ و نلقى صراخنا بح الصوت
لا السامع راح يتوجع ولا الجروح بتتلملم

تجديد ولا تبديد

و دارت الأيام زي طواحين الهوا
لا عرفنا نأكل عيش ولا صرفنا الدوا
من إيد لإيد تجديد! يا شعبي لا تحزن
أحلامنا مكتوبلها تفضل سراب فالهوا

ماتبقاش لازقة

أعر إهتمامك لمن يهتم
و أبتعد عن من أساء إليك
فلا تكن كقنديل البحر يتعلق بكل من يراه ولا يعلم أنهم ينبذونه

لمن يهمه الأمر

سبحان من له الدوام...جملة يجب أن تكتب فوق الكراسي وفي أروقة القصور...ليراها و يتعظ منها من يحكمون شعوبا تسكن القبور

Don't underestimate yourself,NEVER!

You are not a threat to anyone unless they feel you are,so don't let anyone threaten you,it's your own decision

دارون أصلا عبيط

لم يكن دارون أكيداً من أبحاثه التي تقول (الإنسان أصله قرد)،لأن الإنسان أكد بنفسه بما يمنع مجالا للشك أنه في الأصل حرباء متلونة

بكلم نفسي

أن تصبح متحدثاً لبقاً ليس بالهيّن
وليس بالهيّن أيضاً..أن تكون "أنت" المنصت الوحيد

انا مش مبسوط :(

لا تنخدع بإبتسامة و وجه بشوش
فأنت لا تعلم حقيقة ما تخفي الوشوش

شوية كآبه :)

كم بالدنيا من أماني نحسبها جل ما فيها، وما إن تحققت نرى الوجود اجمل دونها..وعسى ان تحبوا شيئا....

تعلم و حاول و كن على قدر الاختبار

عندما تُحيك لك الحياة من ضفائرها جلباب السعادة والهنا، فأعلم جيدا ان الله أرادها كذلك لتكون دوما قيد الاختبار والمحاولة

يا خوفي لتضيع يا بدران

لقد هرمنا و هُزِمنا و تاهت الحقائق منا و غاب الحق عنا و عن دربنا تفرقنا و على غيرنا تشدقنا و لعنّا و سببنا..فجار علينا ماضينا و نسانا حاضرنا و المستقبل بأيدينا فإما أن نُضيعه وإما أن يُضيعنا

١٥ماتوا ١٥-رمضان :_(

اه يا وجع القلوب، ابني مات عالحدود،ابن عمري وهو حلمي كان بيحمي تراب بلادي
،اه يا قلب ام الشهيد،ابنك راح و مات اكيد،بس انتي قلبك من حديد،صبرك هيزلزل أعادي،
صبّر قلوبهم يا رحيم، دول مصابهم كان أليم، عرّفهم مين اللئيم،واللي خاني وخان ولادي

هل ده غباء ولا هي دي السياسة!!

عجبت لمن كان بمكان
يحسده عليه كل من كان
فيطغى ويعبث ويقسو ويكذب
ليفرِّق من حوله بقدر الإمكان

الكذب مالوش طراطيف صوابع

لو كان الكذب أسدا لقتلتة،لكنه ثعبانا يتلوى.لا نعرف طريقا لإمساكه،و برغم ذلك،دائماً يترك ورائه أثرا يكشف به نفسه

يااااا مسهل

يا رب ع الهم قدّرنا
وإكتبلنا خير في قدرنا
وإن تاهوا نخبتنا ف ملكوتك
إهدينا للصراط و صبرنا

بس انت تحلم

عندما تعاندك الحياة فهي في أصلها تعاتبك
فحاول مرارا و تكرارا لكسب صداقتها من جديد

مهما كانت معانداك...إنت تقدر... لو فضلت تحلم ...هتفضل تحلم معاك

شئ ما في صدري

لم اكن اعرف اني في يوم من الايام سأكون هذا الشخص المكسور فتلك الأيادي الخفيه و العقول المندسه و الأطراف الخياليه تمنعني بكل ما أوتيت من قوه.
هل أنا ضعيف ، هل ما أصبو اليه ليس حقيقيا او لا يستحق كل ما افعله،، كلا و لكنه ذلك الشيطان الرذيل الذي يعبث بعقولنا و قلوبنا و يحول الشيخ فينا الي لئيم الا من رحم ربي
فيا رب ارحمنا برحمتك و انصرنا بعدلك و أهدي منا من ظل في قلبه ذرة إيمان و حق و عدل.
فإننا مهما حاولنا تحقيق ما نريد فانت يا رب فعّال لما تريد.

اي كلام

عندما تصبح الحقيقة تائهة و يملأ العبث المكان أرضا و جوا وبحرا

يا رب حلمي ما تهدُه

قالوا زمان العجب
قلت انا قده
قالوا ده بير من دهب
و ما حد كان قده
قلت الدهب قشره
و لكل بير قرار
هحلم و حلمي هو
بكره اللي هيهدوه
قالوا سيبوه ده تعيس
حلمنا كتير قبله
والحلم اصبح كابوس
و الهم هيك قده
ايوه تعيس مهموم
والظلم ما فارقُه
عمر اللي اتظلم مايسيب
غيره يجيب حقه
حقي أعيش مرتاح
وأنام وحلمي براح
وإن جه عليا صباح
هحلف لأكون قده
يا رب يا معين
خالق البشر من طين
إجعلني م الصابرين
و حلمي ما تهدُه

على كل لون يا باتسيتا

في ناس قلوبها دهب
و ناس كتير قشرة
و ناس و ياللعجب
قشرة و مش قشرة

Bad Karma day

إن كانت ظروفك و أقدارك تعيسه و مؤلمه
فقل "الحمد لله الذي أطعمني و سقاني و جعلني من المسلمين" ،لن تحتاج للنظر لمن دونك لتقنع بما كتبه الله لك، فتلك تكفيك
Y.S.
Bad Karma i won't let you win, as long as Allah beside me

Be Happy

Life is not necessarily HAPPY, unless YOU decide to live it that way.

الصبر يا رب

علّمونا أن لكل مشكلة حل،فلا تستسلموا حين تشتد بكم المصائب،فإصبروا وإثبتوا وإتحدوا فلن يكون اسوأ مما كان والأفضل آت بإذن الله
Y.S.

طيب و بعدين بقى!!

كل ده ف غمضة عين
دستور،رياسة و مجلسين
هنفضل كده نقول امين؟!
تعبنا..طيب و بعدين؟!
عيشنا حياتنا مذلولين
لنظام كرهنا في السنين
ولما قولنا اهو..قايمين
هدّونا..طيب و بعدين؟!
ناس غريبه متبتين
و في الكراسي متشبسين
نقول قوموا يفضلوا قاعدين
غلاسه..طيب و بعدين؟!
يا عالم قولولنا رايحه فين
او حتى على ايه ناويين
تراكوه ولا افغانيين؟!
قولولنا..طيب و بعدين؟!
إخوانيين و سلفيين
قبطيين و مسلمين
بقى ده تقسيم ناس عاقلين؟!
زهقتونا و قرفتونا ما تخلصوا
وتخلصونا..طيب و بعدين؟!

ان شاء الله خير

صباح الحياه اللي زي الفل
صباح الناس اللي كارهه الذل
كفاحنا سلاحنا و أملنا ف إن
مايحكمنا تاني عنيد أو فِل

كرهت السياسة بجد

كرهت السياسة و كرهت اللي عاملها
كرهت الخساسة و اللي بيعملها
كرهت الضعيف و كرهت القوي
خير الامور الوسط هو اللي يعدلها
كرهت السياسة و اللي بيلبسها
كرهت العمامه و اللي لابسها
كرهت اللي يدهن ليلنا بزُبَد
كرهت حراميها و كرهت حارسها
كرهت السياسة و كرهي مُفَصل
كرهت اللي طاطي و كرهت المِأَصل
كرهت الغباوة و اللي بيفصل
قوانين و جابها لأجل نلبسها
كرهت السياسة و عارفه لماذا
كرهت اللي نسيوا معاني الكياسة
كرهت اللي قال سياسة..إفتكاسة
عشانك يا باشا كلنا لبسنا
كرهت اللي فكر زي القطيع
كرهت البيه السياسي الفظيع
كرهت اللي لكرامته سهل يبيع
و كل اللي قالوا "خلّيه..مونسنا"
كرهت السياسة كرهت الخيابه
كرهت اللي كاره كل الغلابه
كرهت الكبار كرهت الصغار
كرهت شعار "الكرامه و هيبتنا"
كرهت السياسة اللي فيها الحنان
كرهت اللي يقول ده كول ده مان
كرهت العبيد اللي طالبين الأمان
كرهت الكتير اللي زادوا خيبتنا
كرهت السياسة و كل هبّاش
كرهت اللي قال معانا و ماجاش
كرهت اللي عايش حياة الكباش
كرهت اللي كرهنا حتى ف عيشتنا
أيوه كرهت السياسة و خلاص
مافيش مفر مافيش خلاص
لكني بحبك غصب و خلاص
ما هو انتي اللي فاضل و انتي قسمتنا

صباح شكله حلو

صباح الفل ياللي تعبينك معانا
صباح الصبر ياللي مستحملانا
صباح جميل رغم النكد و الهم
صباح أكيد بكره بينا ومعانا

انتخابات رئاسيه نزيهه

علمتني الحياه الا أثق في احد ثقه كامله
لكنها علمتني أيضاً ان اختر الصديق قبل الطريق،اما آن لها ان تعلمني كيف أثق في اختياري

هل حقاً انت انسان

إن كنت تظن أنك إنسان
يأكل و يشرب و ينام بأمان
أنظرت لغيرك بإحسان
أقسوت على فقير ك جبان
إن كنت تظن انك إنسان
فلتحمد رباً رحمن
ع حياة انت مفسدها
و ع ممات لم تحسب له الحسبان
إن كنت تظن انك انسان
فلتبطئ خطوات العصيان
و لتسرع في طريق الايمان
و لتبكي و تطلب غفران
ان كنت تظن انك انسان
فلتسقط أقنعة الشيطان
و لتمحي رايات الطغيان
و إن كنت محبا للحق
فلتخرس أصوات الغيلان
إن كنت تظن انك انسان
فلا تبحث لك عن برهان
فالله الخالق قد صانك
وبعقلك تفرق عن حيوان
ان كنت تظن انك انسان
فلتنسى غدر السلطان
و احلم بجميل الشطئان
و اعمل ع حماية مستقبل
لن يترك ثغرة لحرمان
ان كنت تظن انك انسان
فلتلقي بهفواتك في مكان
لم يطأة بشر او حيوان
و لتقسم ع انك دوما
ستثبت كونك انسان

إياكم

إحذروا من كان للنفاق داع
و لكرسي السلطة ساع
و لصوت الحكمة لم ينصاع
و لأهله ببرودٍ باع

كلهم زي بعضهم

كلما كانت الاختلافات طفيفه كلما صعب الاختيار بين الأشرار فكلهم يسعون لنفس المصالح ولكن بأقنعة متباينه تناسب متطلبات و تطلعات مختلف الفئات و حجتهم القويه تكون " لكل مقام مقال "

عادي

يا مصر يا حلوه يا بهيه
لا تجزعي وتشيلي هموم
وإن كان خانك وقال تركع
ما هم كلاب حواليكي تحوم

مهما يطول الغيم ..لازم السما تصفى

حلمت ياما نشوف النور
من بعد ثوره و حكم يغور
حلمت بدنيا نضيفه و رايقه
حلمت بساقيه و ترس يدور
حلمت و حلمي ما كملشي
نهد السور و يبنوا سور
حلمت بظالم قال يمشي
اتاريه مكلف عصابه صقور
تنهش في لحم اللي ما ماتشي
وتقتل بقلب مريض مسرور
واحنا اللي قلنا ما هنمشي
واحنا اللي سال دمنا في بحور
حلمت اني اكون مجدع
و ادخل على القلوب بسرور
و ف مليونيه م اللي بتخدع
بقيت شهيد حواليا النور
و ف مليونيه كمان قالوا
حقك هناخدوا و هو يغور
طلعوا ورايا ألوف شهدا
حلموا معايا بيوم منصور
يا قلب مصري مات مدبوح
يا عقل مينا و الشيخ عفت
أوعى تخوّن يوم مجروح
وللملايين ماتخونشي
احلم و كسر سور مغرور
إوعاك فيوم ماترجعشي
حقي ف رقبتك ..لازم تثور
ده أنا دمي لسه ما نشفشي :((

الأربعاء الدامي ٢-٥-٢٠١٢

ألأجل المال تسيل الدماء،ألأجل السلطه تذبح، ألأجل النفوذ تطعن وتزهق أرواحا لم يكن لها ذنباً غير حب الوطن ألأجل كل هذا تفقد إنسانيتك! أبشر، تلفحت بالعار وربحت الفتات

و لحد امتى سكوتي معناه رضايا :(

يعني ايه تفضل تقوللي سكوت
يعني ايه تكتم في حلقي الصوت
يعني ايه تقوللي تاني مش هنركع
وابني كرامته مكان ما يروح بتموت

إلعب يا عسكري :(

يا عسكري يا ابو بندقيه
تعالى إقضي عالثوره ديه
شتت في ثوار، توِّه في أفكار
وارجع و قول دول بلطجيه :(

إثبت كونك إنسان

إن شعرت بأن ليس لكرامتك أهميه و لأفكارك معنى و لحياتك قيمه، فأعلن حربك لتثبت كونك إنسان،فكثيرٌ حولك يظنون غير ذلك

اتحدوا أكرمكم الله

إن غدت قلوبكم و عقولكم أعداءا
فتذكروا كم سالت من أجلكم دماءا
فتحملوا و لأجل مصر فلتقسموا
ان لن تزيدوا شهدائها شهداءا

ليه شغل العافيه ده

من قبيح الأفعال إجبارك على الاقتناع بما يستحيل ان يدركه عقل، لكن هذا لا ينتقص من احترامك لقناعاتك و احترام الاخر لقضيته

جمعة المنصات

كم من فرصٍ أتيحت لكم و ألقيتم بها عرض الحائط لتحقيق مصالح مؤقته،فجربوا معنا بُعد الرؤى و لن تندموا،و لتكن مصلحة الوطن فوق رؤسنا جميعا

بكره ثورتنا هتصحى

صباح الورد اللي بيبرق نور
اليوم كله أمل وعمل وحفر صخور
وبكره ما أحلاه يبتدي بثوره
وبعده ما أغلاه يمحي سما المغرور

حريق السويس بقاله ٣ايام

مليتوا كل سمانا غيوم
طفيتوا النور في أغلى عيون
مهما خليتوا طريقنا عتمه
بكره ننوره بألف نجوم

عسكر كاذبون

و هو مين حكمك يا عسكر يا مذموم
بسلاحك بتقتلنا و تقول بنحمي القوم
نصبر عليك ونقول راح تنعدل
نلقاك لم تنعدل و أملنا فيك معدوم

بلادنا

لسنا ابطال خارقين لكن نفديها
لسنا زعماء سياسيين لكن مريديها
لسنا رجال دين لكن نقدسها
ولسنا شيوخ العجز لكن هرم عشقنا ليها

جمعة حماية الثوره😄

يا عباد العباد نافقتم رؤوسكم،كذبتم لنصرتهم،توحدتم بأمرهم،فأسقطوكم في هاويتهم فأحذروا فإنا جميعا لها لمنجرفون

الملثم وحيدا

رموز النظام والفساد قضيتهم حياة او موت،اما نحن فننتظر الملثم المغوار ليقيم العدل وينتزع الحقوق،أهكذا نثور!

وداعا فاستي :(

وداعا يا من علمتني الصبر بخطواتك الناعمه،ورفضتي الذل في ميدانك الخاص الضيق،وحاولتي تسلق جدران محبسك بكل إصرار،وداعا يا صديقتي الصغيرة

الأنا

صدق من قال إن دامت لغيرك ستدوم لك،علهم يوقنوا بالمعنى و يتخلوا عن الأنا، فأعتبروا و أعبروا وكفانا عناداً

فلتكن مصر كما نريدها جميعا

إن أردتوها توافقيه فلتكن، لكن بإرادة الشعب، وإن أردتوها مدنيه فلتكن،دون إستبعاد فصيل منها،وإن أردنا الحريه فلتكن،لنا جميعا

تغيير بقى

إن لم يكن لك يدا تغير القبيح و تعين المظلوم على الظالم،فأشرف لك ان تبترها قبل ان تقتلك من شدة يأسها في تغييرك

الوضع الان

كانت عصور مظلمه،ثم تطورالانسان وبنينا ناطحات السحاب وانطلق الصاروخ الي الفضاءثم عاد الديناصور مره اخري لممارسة مهامه

سنحيا أحرارا

يقول العبد نعم إرضاءاً لسيده و يقول الحر لا إرضاءاً لضميره، فلا تكونوا عبادا إلا لله فقد أكرمنا لنحيا أحرارا

لن تستطيعوا

إن أمتوا الأجساد و أنامتوا العقول فإحذروا فقلوبنا حيه و ضمائرنا يقظه،مؤمنه بأن الحق ليس له وجهان و لسوف ينتصر

كاذبون

تعثرت الكلمات دفاعاً عن كاذب او خطّاء،فإن لم تتواروا لحفظ ماء وجوهكم، فتواروا حفاظاً على دينكم

كابوس

"كان يامكان في سالف العصر والآوان بنت جميله اسمها مصر"أخشى ان تصبحي أسطوره نرويها لأبنائنا فقد خذلناك جميعا
Y.S.
فعلا يراودني هذا الكابوس و الخطأ الفادح و سبب كل ما يحدث هو ترك الميدان، لكِ الله يا مصر

قيم مؤثره

الحق لا يساوي العدل ولكنهما مجتمعان يقضيان على أسوأ مافي الإنسان، فإن استبدلوا بالنفاق منفرداً قضى على الإنسانيه

ديمقراطيتهم

هي دي الديموقراطيه!
اللعبه رجعت هيه هيه
دي طلعت حاجه سهله خالص
واحنا اللي فاكرينها قضيه :(

نحمل الخير لمصر

حلم انه يعيش في قصر
وفإيده سلطه مالها حصر
وقفنا جنبه اتاري هوه
يحمل الفتات لمصر

لاموا

لاموا عليهم لما قالوا حق
لاموا عالناس اللي قالوا لأ
لاموا وخانوا فظهروا وبانوا
لوموا اللي دقدق عقولكوا بمدق

كفاكم

كفاكم عبثا بأحلامنا

بأيامنا و كياننا


بأرواحنا و دمائنا 


بكلامنا و ضميرنا


بعقولنا و ديننا


كفاكم ترويضا لجهلائنا و فقرائنا


كفاكم تفريطا في حقوقنا

فتلك التي تدمرونها بلادكم و بلادنا