مابين الموتى والأحياء صبح حالي
وإنتي الداء و مالي دواء وأقول مالي!
بصبر نفسي وأتأنى
ولو تلمحني أتمنى
اقابلها
اكون موجود ومالي وجود في حضرتها
وقلبي عدى الف حدود يوددها
ده قلبي فالهوا طاير
وجرحي كبير ومش قادر
أخطيلها
حبيبتي سهرت ياما كتير اناديكي
وروحي تايهه بين شطين موانيكي
وليه تنسيني وانساكي
ده نفسي لو أطول ليكي
هأحملها
وتلقاني قصاد الحُسن ده كله
كما المسحور وغاويها وبتذله
وتلقاها لابعد حد
بتنبذني كما المرتد
وأحنلها
وارجع لروحي ودايما ليه! أتسائل
ودمع العين ماهوش سامع ولا سائل
ياريت روحها بتسمعني
وتندهني تدلعني
وأغنيلها
