لو مثلا قلبي كان بطيخ
كان رطب على قلب العاشقين
كانوا نسيوا أشواق وحنين وسنين
كان غير فكر البني أدمين
ان احنا يادوب حبة تواريخ
لو مثلا قلبي كان بطيخ
والحبة السودا ال فقلبه
تبقى محبة
وعصيره ال بيروى عطشنا
يفضل حبة
وبقشره ندفي قلوب باردة
لو شاب أو شيخ
لو مثلا قلبي كان بطيخ
كان يبقى عنيد
ولا يفتح بابه لأي بعيد
وال يقرب منه بخطوة
راح يلقى جديد
ويطير بيهم حتى المريخ
لو مثلا قلبي كان بطيخ
كان سقع للي منفضله
واتقرعن عاللي نسيله فضله
ونزله فجوفه كما العلقم
وفرد عضله
او زي خياره ولا فسيخ
لو مثلا قلبي كان بطيخ
كان يبقى سعيد
ولا عمره يعيش لحظه أناني
أو يبقى وحيد
وفي شتا أو صيف ما هتنساني
وبدون مواعيد
هتلاقي فقلبي ما تتمنى
وزيطة و صواريخ
لو مثلا قلبي كان بطيخ
