ويكأني طفل شارع بأشحت النظرة في تمني
غلطة كنت فاكرها سهلة
ويكأني لص بارع..يخطف القلوب في وهلة
ثم يقتلها بتأني
ويكأني كنت بترجى تحني
لما قولت كتير كلام
قولته لكن غصب عني..وفي سلامها كان ختام
ويكأني ضعت مني
ويكأني كنت أنا الشخص الأناني
رغم قلبها كان حجر
رغم حبي وشوقي ليها.. فاق حدود فهم البشر
ويكأني كنت انا مجني وجاني
ويكأني.. جن جني
لما قالتلي "كرهتك
غلطة واحدة بس مني ..يوم قبلت أكون حبيبتك"
ويكأني كنت واهم انها اقربلي مني
ويكأن الحب سابني!
لما ظنيت انه عادي
مرة واحدة ومش هتحصل.. حتى لو ماهيش قصادي
كان غريب تفسر اني .."خنتها" بكلمة "قتلني"!
