الدايرة مخنوقة
وكل يوم بتزيد
وبحسبة المواعيد
كله بيتأجل
ولجل ما نبدل
الحزن بالأفراح
كل ال كانلي براح
أصبح بيتقفل
والآية مقلوبة
الدايرة مخنوقة
عالهم مش قادر
وكل ما بعافر
بتزم بالعافية
بتمشي بالعافية
وتكتف الجدعان
حاوي لكنه جعان
جوعه نفوس صافية
وكل ال حوله غيلان
الرحمة منزوعة
والنفس موجوعة
يسأل وهو عزيز
ذله وباعه جبان
فكفة الجدعان
مابيساويش نكلة
الدايرة مخنوقة
وكل يوم بلوة
ولا حول ولا قوة
غيره نفس طالع
دخلته بالقوة
تايه مالوش صاحب
يسأل عليه يداويه
يأخد بكف إيديه
لحد بر أمان
بالفعل مش كلمة
الدايرة مخنوقة
وكل يوم بتزيد
وبحسبة المواعيد
ليها أجل وكتاب
ونوره ال بعد ضباب
هيظهر التفاصيل
ويكشف الغمة
