بنفضل فالحياة فترة
دي مكتوبالنا بالفطرة
نقابل م الوشوش ملايين
وشوش حلوة و ووشوش ملاعين
وتكمل رحلة العايشين
والحظ بناخده بالقطرة
بنرسم ضحكة بالعافية
ويسرقنا الحنين عافية
ونرجع تاني نتساهل
وننسى القسوة بالساهل
نقع ونقول "ما نستاهل"
ونقوم بنفوسنا متصافية
في دايرة ودنيا دوارة
ماتفهم بأيوها أمارة
بتضحك ياما للغاويين
وتغدر ياما بالراضيين
ننام نصحى، وتجري سنين
وتخطفنا بلا إشارة
ونلوم عالدنيا عُمر وفات
لحقنا منه بس ساعات
فنتحسر كما المساكين
ونتفاجئ بوش حزين
وتخلص رحلة العاقلين
فتعيد م الأول الكرة.
