الصاحب الندل ..اعرفه..ماتنشغلش بيه
سيبه للايام... دي مسيرها هتعلّم عليه
وإن فات الزمان ومات الكلام
وفضلت الأصيل وفضل الجبان
مسيرها في يوم هتعلّم عليه
الصاحب الندل.. اديله الأمان.. بكفاية
يخون .. يبيع ويجرح كمان.. بكفاية
ويهبد ندالة ويرقع سفالة
ويمادي في غتاتة ويكتّر رذاله
ويوم اما تزعل..يقل في أصوله.. بكفاية
الصاحب الندل.. يبان بغبغان..في حلاوته
يغرّك كلامه.. ويبالغ كمان .. في غلاوته
ويبدأ يزايد ويقعد يعاند
ويرجع يخالف كلام اي واحد
وفجأة يخضك ..وفي لحظة يصدك ..بغباوته
الصاحب الندل.. تقوله يمين.. بيمشي شمال
وفي أول محطة.. تقوله تمام.. يقولك مُحال
يا سيدي الحياة من غيرك تسير
يمين او شمال .. تمام او عسير
بلاش تبقى خاين..ده داين تُداين.. أكيد مش خيال
