سكت الكلام والصوت بقى مبحوح
لا فيك تزعق وتغضب ولا تزيد النوح
كاتم في قلبك كتير كما الجمال صابر
مع إن قالوا زمان يا روح ما بعدك روح
سكت الكلام واندفن جوة مابين ضلعك
يصرخ عليك"أرجوك انا طبعي غير طبعك
عمري ما كنت أسير.. حُر وبلف الكون
عمري ما اكون خاين ولا هخون صمتك"
سيبني في وش الريح تايه مابين ألسنه
لا اللي فات راجع ولا هنفضل هنا
كل الكلام زائل ماييقى غير أفعال
يا بكرة يبقى عليك او يبقى مكتوبلنا
يا حلم كان ظاهر وسط الكلام ألوان
طول الزمن صابر ولا كنت ندل جبان
أرجوك تصبح حقيقة لجلك صبرت كتير
آن الأوان تبقى..وتفرَّح الغلبان.