بلدي يا احلى بلاد الأنام
بلدي يا ناس بتبيعلك كلام
بلدي يا حلوة يا أجملها غنوة
بلدي ال عشش فيها الضلام
نورك يا بلدي مافيش زي امه
بييجي ويقطع ولا حد همه
ونلعن ونشتم ابوكي وأبوهم
ولا مره واحدة عرفنا نلمُّه
عن النور سكتنا باليوم و التلاته
ونقول برضه حلوة ونستحملها تاته
يقولك ماتصبر هتاكلونا يعني
ويفضل قاطعها ومغتت غتاتة
يا بلدي يا حلوة بقطعك لنورك
وطظ في أبونا وال يتشددولك
هنفضل بنحشر جزمنا ف زورنا
ونفضل ف ساقية بنحلب ف ثورك
ومهما يقولولي فارقها وهاجرها
بقول مهما كان انا متربي ف خيرها
يا بكرة يا حلو يا متأخر يوماتي
هتنوي لتيجي ولا خيرها ف غيرها!