إحتمال

إحتمال 

إني أكون

من ضمن حبة صغيرين

عاشوا الحياة

لكن ماعرفوش هم مين

يقروا الكتاب

ولا كلمة منه بيفهموا

يمشوا الطريق

ولا خطوة فيه بيكملوا

يمكن أكون

حابب جنوني بإختصار

يمكن عشان.. مهما اتكسرت

حابب ما اعيشهاش بإنكسار

ويمكن أكون

عايش خيال

عادي الباقين

يظهرلي فمنتهى الجمال

يمكن عشان

عمري ما شوفت شئ محال

جايز كمان

يمكن يكونوا

هم ال جدلهم.. أكيد

يمكن أكون

أنا الوحيد 

الإحتمال

أنا مش كئيب

أنا مش كئيب

انا بس غرقان فإكتئاب

اصل اكتئابي ده بحالات

يظهر ساعات ويروح ساعات

وإن بات كلام.. يصبح سكات

وإن قولت أفوق أبقى في سُبات

ماشي وبس

ولا عمر حد بيا حس

ولا حتى قادر اعيشها هلس

غير بالكلام

متداري فيه وسط الزحام

اكمنهم قالوا أوام

اصلك بعيد عن ربنا

عندك جحود

قربله حتى.. يجوز تعود

وكلهم نفس الردود

لكن أنا

عايش خلاص!

نفسي فخلاص

وكأني مضروب بالرصاص

يمكن عشان

شايب وعمري في أوله

همي ولا مين يستحمله

صمتي مصمم أكلمه

يمكن يرد

يمكن مافيش فدماغي رد

ماشي في طريقي صد رد

عكس الحياة

حدوتة مالهاش منتهى 

عمري ابتدى ولا انتهى

صاحي لكني فمنتهى

نوم الممات