وسط الناس
تبقى لوحدك وسط الناس!
وقت الوحدة مهما يحاكوا او يتباكوا
تضيق بيك نفسك أو بتحس ان انت مداس
وسط الناس
لما تحب تكمل يومك وسط الناس
تلقى الكل بيجري عليك
مش هتفيدهم ولا ده أساس
لكن وقت الصعب بتحزن
لما الصاحب فجأة بيصبح وسواس خناس
وسط الناس
الدنيا دي فيها كتير أجناس
واحد جدع.. ووشوش مليانة بالبدع
تاجر عظيم دكتور مهيب فنان حساس
وسط الناس
دايرة تلف بتخنق فيك بمية ترباس
تجري عليها بزهوتك..تقتل فقلبك فرحتك
وناس زبالتها أنضف منها .. وناس مش ناس
وسط الناس
ناس من كتر العفرة وشوشها ما بتتقاس
وناس من كتر القسوة قلوبها بلا إحساس
وناس من كتر رضاها تلقى هناها .. وسط الناس!
