زهقت كل حاجة
بفكر هتحصل
ورغم انه وارد
وسهل ماتجيش
زهقت اني افكر
واقرر ابطل
بفكر زيادة
وأفكر بطيش
زهقت الليالي
الطويلة الكتير
زهقت اني غاوي
زهقت اني أداري
زهقت اني ميت وعايز أعيش
زهقت اني أبالي
زهقت ارتجالي
بإني كويس وعادي ومافيش
زهقت اني هقدر
ولازم أقدّر
ويوم أما تطلب تقدير ماتلاقيش
زهقت اني قادر
وواجب أعافر
زهقت اندهاشي من يوم مايمشيش
زهقت الكلام
زهقت السكوت
والأصعب من ده كله
زهقت اني أعيش!
يسلم فمك
ردحذفHi
ردحذف