محتاجين لبعض يمكن
بس مش محتاجين لحد
نسند المايل في روحنا
نستخبى في حضن بعض
صاحبي ال في أي شدة
ضهري ضهره في أي خوف
حتى لو بعدنا حبة
يبقى جنبي في الظروف
يبقى ونسي والمحبة
تبقى لكل خلافنا..سد
محتاجين لبعض يمكن
بس مش محتاجين لحد
موج يشيلنا.. خوف يحاوط
يختلف طريقنا.. وارد
لكن لسه زي ما احنا
مهما كان ما بينا بُعد
تختلف ملامحنا .. عادي
بين شطوط وبحور ومد
والوشوش تعدي بيننا
حبة صد وحبة رد
لكن الإجابة واحدة..
والأكيد وأي رد
محتاجين لبعض يمكن
بس محتاجين لحد!
أنتي سايبه في قلبي ذكرى حلوه لسه صوتك بسمعه في وداني غنوه دي الحقيقة ان الحياه بعدك ما تسوى حبي ليكي كل يوم في البعد يقوى سيبك انتي عامله ايه ازيك انتي دي الغلاوه هي هي والمشاعر مداريه🌹
ردحذف