عمرك قلبك عيط قبل عينيك!
ولو تلاكيك!
صوت مبحوح
وروح بتروح
نفسك مش قادر يكفيك
حد كأنه بيخنق فيك!
عمرك توهت فوسط الناس
بلا إحساس
شايف!! سامع!! بس خلاص.
حطيت قفلك عالشبابيك.
عمرك كان لك حتى شريك!
يمسح دمعك وينسيك!
ال آسيته في عمرك جايز
وال ما طولته وبقيت عاجز
وال خفيته في درجك يمكن
أو جوة القلب في براويز
جرب تبكي بعينك وارد
دمع العين قادر يشفيك
وإرحم نفسك تكتم لأحسن
دمعة قلبك تكسر فيك.
ليست هناك تعليقات:
إرسال تعليق